青少年係未來社會嘅主人翁，佢哋嘅幸福感同時都係我們未來幸福嘅所在。芸芸幸福感範疇之中，黛安認為精神健康尤為重要，亦係近年社會各界關注所在。為咗凝聚更大嘅社會力量以更廣泛嘅層面支持我哋呢班未來社會嘅主人翁，同時響應特首喺《施政報告》中提出嘅加強支持青少年身心健康精神素養嘅號召，以及教育局嘅「4Rs精神健康約章」（Rest，Relaxation，Relationship，Resilience），黛安早前就去咗由基督教香港信義會元朗信義中學尹浩然校長、BL Beauty創辦人吳雅婷女士及X Social Group創辦人兼首席行政官林漢源先生發起嘅「千人齊倡好精神」活動，以生命影響生命。活動當日邀請超過一千名元朗區嘅家長與學生齊集校園製作減壓香水。吳雅婷女士無私捐贈有關香水物資，「希望幫助年輕人克服生活中嘅各種困難和挑戰。當呢班年輕人學識如何製作減壓香水後，佢哋可以將呢份知識傳授畀身邊嘅朋友，真正實現『以生命影響生命』嘅目標。」為隆重其事，大會仲以呢件甚具社會意義嘅活動慶祝國慶75周年，更向世界紀錄協會申請，見證這項世界紀錄嘅誕生。
活動仲迅速獲得教育界、政界、社福界及商界等不同界別嘅支持與肯定，聚首一堂鼓勵青少年。當中包括教育局家庭與學校合作事宜委員會主席方奕展先生、基督教香港信義會教育部部長劉偉海先生、基督教香港信義會元朗信義中學校監陳健雄先生、基督教香港信義會社會服務部青少年服務服務總監侯詩雅女士及周靜子女士、香港遊戲治療協會遊戲治療師督導沈麗敏博士、立法會議員陳家珮女士MH, JP、元朗區區議員司徒俊軒先生、余仲良先生及劉桂容女士、屯門區區議員麥美儀女士、大灣區扶輪社社長李彥儀女士、寶馬山扶輪社社長張泳姿女士、香港北部都會優秀青少年聯會會長林以律先生、香港中華廠商聯合會會長盧金榮博士BBS，JP、香港品牌總商會會長黃毅超先生、香港品牌總商會創會會長趙振國先生、國際美業評審總會會長朱雯迪女士、勵進國際培訓學院行政總栽倪惠畧女士、香港品牌總商會前會長陳彩雲女士及荃灣工商聯署理主席潘鵬雛先士。除此之外，《紫荊雜誌》、City Lab 幸福實驗室、人工智能學會、Star Club Education、香港台山社團總會、何文田獅子會及荃灣工商聯也成為支持機構。陣容鼎盛，都只係為咗一齊倡好精神，為青少年精神健康注入最大動力。
主禮嘉賓致辭嘅時候，亦盡顯佢哋對青少年嘅支持以及對「好精神」嘅重視。立法會議員陳家珮女士MH, JP喺活動開場即表示佢同立法會眾議員均十分重視青少年嘅精神健康，每日開心快樂好重要。家庭與學校合作事宜委員會主席方奕展先生亦指出「4Rs精神健康約章」中「人際關係」(Relationship)尤為重要，勉勵家長以身作則，同學校合作共贏。香港中華廠商聯合會會長盧金榮博士BBS，JP則為青少年打氣，並指出社會各界均是青少年最大嘅後盾、香港品牌總商會會長黃毅超先生就鼓勵青少年多發揮創意，因為香港仍然係機會與支持處處。致辭過後，由尹浩然校長與吳雅婷女士帶領一眾主禮嘉賓以及1100多名區內家長與學生，同心同行，逐步製作減壓香水，並同喊「香水噴一噴，大家好精神」口號。世界紀錄協會認證官吳華江先生見證整個過程，並正式宣布創造了千人製作減壓香水這世界紀錄。
黛安跟隨攝製隊訪問咗部分參與家庭。十八鄉公益社小學小六級學生黃梓煖分享：「第一次製作香水，過程比想像中簡單，原來很多事只要肯試就會成功。千人一齊製作香水，社區入面唔同學校嘅學生一齊做，十分開心。」梓煖爸爸表示：「我覺得呢個活動構思好好！用氣味一齊放入香水瓶，校園內校長教師與家長學生聚埋一齊整，感覺十分好。千人一起做，回想起來畫面仍相當震撼。今次創造世界紀錄，震撼不在於紀錄，而在於齊心為下一代，呢樣十分重要。」此外，元朗信義中學中三級學生王樂知表示：「同學係家人以外，和我們相處時間最長嘅人。同學之間嘅支持，喺精神健康上真係好重要。我很慶幸我喺呢三年裡，認識咗好多朋友，可以同哭同笑。」樂知媽媽坦言「十分欣賞今日千人製作香水嘅活動，畀我們更學懂如何減壓如何支援青少年。元朗信義中學早喺教育局4R約章推出前，已經好關心學生嘅個人成長和不同方面嘅發展，從學校嘅教育理念「樂學」，就知道學校唔單止注重學生嘅成績，更看重學生嘅精神健康。學校破格地以「學習成長報告表」取代成績表，考試成績只佔三成，同樣重視學生嘅學科活動表現和學習態度。亦設立每日家課、默書和小測上限係4次，讓學生完成功課後，仍有空間去發展自己嘅興趣，也有時間晚上同家長傾偈，令身心都能得到平衡嘅發展。尹校長嘅記性好好，每個學生嘅名字和特點，他都知道，令學生深深感受到被重視。他又積極和家長溝通，每個月都安排和家長嘅chit chat time，仲特別花上星期六嘅時間，與家長就校政以及教育子女上交流心得，提供支援，喺互相支持嘅情況下，家長和同學都會得到力量。」
是次創造世界紀錄嘅創舉，深意不在世界紀錄本身，而係在於官民同心，唔同界別嘅人士聚首俯首甘為孺子牛，為青少年張開最大嘅保護網，為香港嘅未來寫下標誌性嘅篇章。最後，黛安都好認同活動創辦人嘅理念：只要各界齊心，以愛心耐性包容年青人，激勵佢哋勇敢追求夢想，佢哋一定會成為蚌中明珠，為香港嘅未來發光發亮。
撰文:
黛安
消息特靈八卦公關
欄名: 八卦名利場